*बारावीचा परीक्षेचा आज निकाल* *दुपारी 1 वाजता ऑनलाईन होणार जाहीर*

चिपळूण (प्रतिनिधी) : महाराष्ट्र राज्य माध्यमिक व उच्च माध्यमिक शिक्षण मंडळ (MSBSHSE) कडून घेण्यात आलेल्या बारावी (HSC) परीक्षा 2026 चा निकाल 2 मे 2026 रोजी दुपारी 1 वाजता ऑनलाईन जाहीर करण्यात येणार असल्याची अधिकृत माहिती समोर आली आहे. त्यामुळे राज्यातील लाखो विद्यार्थ्यांची प्रतीक्षा अखेर संपणार आहे. मंडळाने विद्यार्थ्यांना निकाल पाहण्यासाठी अधिकृत संकेतस्थळांचा वापर करण्याचे आवाहन केले आहे. निकाल पुढील संकेतस्थळांवर उपलब्ध होणार आहे: mahresult.nic.in mahahsscboard.in results.digilocker.gov.in hscresult.mkcl.org विद्यार्थ्यांनी निकाल पाहण्यासाठी सीट नंबर (Seat Number) आणि आईचे नाव (Mother’s Name) ही माहिती भरावी लागणार आहे. दरवर्षीप्रमाणे यंदाही निकाल जाहीर झाल्यानंतर संकेतस्थळांवर तांत्रिक अडचणी येण्याची शक्यता असल्याने विद्यार्थ्यांनी संयम ठेवावा, असे मंडळाकडून सांगण्यात आले आहे. दरम्यान, निकालानंतर गुणपत्रिकेची अधिकृत प्रत संबंधित महाविद्यालयांमार्फत उपलब्ध करून दिली जाईल. तसेच, पुनर्मूल्यांकन (Revaluation) आणि पुनर्परीक्षा (Supplementary Exam) संदर्भातील सविस्तर माहिती निकालानंतर जाहीर केली जाणार आहे. बारावीचा निकाल हा विद्यार्थ्यांच्या पुढील शैक्षणिक वाटचालीसाठी महत्त्वाचा टप्पा मानला जातो. त्यामुळे सर्व विद्यार्थ्यांमध्ये निकालाबाबत उत्सुकता शिगेला पोहोचली आहे.